മഹാനായ രസതന്ത്രജ്ഞൻ 🧪👨🏻‍🔬💥===============================

മഹാനായ രസതന്ത്രജ്ഞൻ 🧪👨🏻‍🔬💥

=============================

ഡിഗ്രി ഒന്നാം വർഷം...(BSc. Industrial Chemistry, കാര്യവട്ടം ഗവണ്മെന്റ് കോളേജ്). ക്ലാസ്സിൽ കേറുന്ന പതിവ് കുറവാണെങ്കിലും കെമിസ്ട്രി ലാബിൽ എന്റെ സ്ഥിരസാന്നിദ്ധ്യം ഉണ്ടായിരുന്നു.⚗️🧪🧫

Titration (ഒരു ലായനിയുടെ സാന്ദ്രത കാണുന്ന പ്രക്രിയ) ആയിരുന്നു ലാബിൽ ചെയ്യാനിഷ്ടവും...നിറം മാറുന്ന ഒരു പരിപാടി എന്ന് വേണേൽ പറയാം...പച്ചവെള്ളത്തിൽ ഉജാല ഒഴിക്കില്ലേ...ഏതാണ്ട് അത് പോലെ ഇരിക്കും..🤭. ഒരു തുള്ളി അങ്ങോട്ടോ ഇങ്ങോട്ടോ മാറിയാൽ എല്ലാം കുളമാകും...വളരെ ശ്രദ്ധയോടെ ചെയ്യേണ്ട കാര്യം..

ആദ്യവർഷം ആയത് കൊണ്ട് എല്ലാവരെയും പരിചയമായി വരുന്നതേ ഉള്ളൂ....ക്ലാസ്സിൽ ഒരു ഉണ്ടക്കണ്ണി ഉണ്ടായിരുന്നു...🙄. ലാബിൽ അവൾ  എന്റെ അടുത്തായിരുന്നു നിന്നത്...ഇടക്കിടക്ക് ഉണ്ടക്കണ്ണ് ഒന്നൂടെ ഉരുട്ടികൊണ്ട്  അവൾ ചോദിക്കും..."ഡാ കിട്ടിയോടാ???". ഞാനും കണ്ണുരുട്ടി തന്നെ നോക്കി പറയും "കിട്ടീല....കണ്ടൂടെ ചെയ്യുന്നത്" 🤨. പിന്നെ കുറച്ച് നേരത്തേക്ക് അവൾ നോക്കില്ല...

എല്ലാരും titration ചെയുന്ന തിരക്കിലാണ്...കൂട്ടത്തിൽ ഒരുവൻ വിഷ്ണു സാറിനോട് ചോദിച്ചു..."സാറേ, ഈ ലാബിൽ Sulphuric Acid ഒന്നും ഇല്ലേ...പുറത്തൊന്നും കാണാൻ ഇല്ലല്ലോ...?? "🤔 അപ്പോൾ സാറിന്റെ രസകരമായ മറുപടി.. "ഉണ്ടല്ലോ...പക്ഷേ നിന്നെയൊക്കെ പോലെ വീര്യം കൂടിയ ഇനമാണ് അതും...അത് കൊണ്ട് തമ്മിൽ കാണാതിരിക്കാൻ അലമാരിയിൽ വച്ചു പൂട്ടിയേക്കുവാണ്.... Titration ചെയ്തു value കൊണ്ട് വാടാ വേഗം...അവന്റെ ഒരു സംശയം..!!"" 😡😡 ഇത് കേട്ട് എല്ലാരും ചിരിക്കുന്നു....ആ ഉണ്ടക്കണ്ണിയും എന്നെനോക്കി കുണുങ്ങി കുണുങ്ങി ചിരിക്കുന്നു...അവളെ തുറിച്ചു നോക്കികൊണ്ട് വലിയ ഏതോ സയന്റിസ്റ്റിനെ പോലെ ഞാൻ Titration-ൽ  മുഴുകിയിരുന്നു...ഒന്ന് രണ്ടു തുള്ളി കൂടി വീണാൽ ഒരു പിങ്ക് കളർ വരും. അപ്പോ കിട്ടുന്ന value എഴുതണം. ഒടുവിൽ പിങ്ക് കളർ കിട്ടി...ഹാവൂ...ഒരു രാജ്യം വെട്ടിപ്പിടിച്ച പ്രൗഢി......ആദ്യം എനിക്ക് തന്നെ കിട്ടിയെന്ന അഹങ്കാരവും....😏.

ഇത് കണ്ടു നിന്ന ആ  ഉണ്ടക്കണ്ണി "ആഹാ....നിനക്കു കിട്ടി അല്ലേടാ" എന്ന് പറഞ്ഞു തോളിൽ ഒറ്റ തട്ട്.....ആ തട്ടിൽ കൈ തെറ്റി മൂന്ന് നാലു തുള്ളി കൂടി വീണു...പിങ്ക് നിറം മാറി വയലറ്റ് നിറമായി...എല്ലാം കുളമായി... ചീട്ടുകൊട്ടാരം പോലെ എല്ലാം തകർന്നടിഞ്ഞു..."🥺. ഇത് കണ്ട് വന്ന സാർ എന്നെ കുറേ വഴക്കും. "ഇങ്ങനെ ആണോടോ ചെയ്യുന്നത്....താൻ ഇനി ചെയ്യണ്ട"..

ഞാൻ ആ ഉണ്ടക്കണ്ണിയെ രൂക്ഷമായൊന്നു നോക്കി...അവളാണേൽ ഒന്നും അറിയാത്ത പോലെ നിൽക്കുന്നു...അമ്മാതിരി അഭിനയം...😳 "ഇവൾക്ക് വല്ല സിനിമയിലും അഭിനയിക്കാൻ പോയികൂടെ.. പെരുങ്കള്ളി" (ഞാൻ മനസ്സിൽ പറഞ്ഞു).

വിഷമത്തോടെ നിൽക്കുന്ന എന്നെ നോക്കി വിഷ്ണു സർ പറഞ്ഞു..."നീ പോയി ആ  evaporating dish (ചെറിയൊരു പാത്രം പോലെ ഇരിക്കും) എടുത്ത് കൊണ്ട് വന്നേ".അതല്പം ദൂരെ ആണ് ഇരിക്കുന്നത്...അവിടെ ചെന്നപ്പോൾ ഒരെണ്ണം പോലും ഇല്ല...നോക്കി നോക്കി അവസാനം ഒരെണ്ണം കിട്ടി...അതിലാണെങ്കിൽ നിറയെ അഴുക്കുവെള്ളം പോലെ എന്തോ കിടക്കുന്നു..."😒😒 ഇവർക്കൊക്കെ ഇതൊക്കെ ഒന്ന് വൃത്തി ആക്കി വച്ചൂടെ....ലാബ് ആണ് പോലും.."മുറുമുറുത്തു കൊണ്ട് ഞാൻ അതുമെടുത്ത് വാഷ് ബേസിൻ ലക്ഷ്യമാക്കി നടന്നു....🚶‍♂️🚶‍♂️

പാത്രത്തിലെ അഴുക്കുവെള്ളം ഞാൻ വാഷ്‌ബേസിനിൽ കളഞ്ഞു....പെട്ടന്ന് വാഷ് ബേസിനിൽ നിന്നും പുക വരുന്നത് പോലെ ഒരു തോന്നൽ.... തോന്നൽ അല്ലാ പുക കൂടി കൂടി വരുന്നു...എന്തോ പന്തികേട് തോന്നി..പെട്ടെന്ന് എന്നിലെ സ്വബോധം ഉണർന്നു...ലാബിനു തീ പിടിക്കുമോ?? എന്റെ സർ...എന്റെ കൂട്ടുകാർ...എല്ലാവരെയും എനിക്ക് രക്ഷിക്കണം....സൂപ്പർമാനൊക്കെ മനസ്സിൽ വന്നിട്ടു പോയി..🦸‍♂️🦸..presence of mind എന്നൊക്കെ പറയില്ലേ....ഉടൻ തന്നെ പൈപ്പ് തുറന്നു.....വെള്ളം വാഷ്‌ബേസിനിലേക്ക് ഒഴുകി...തീ പടരാൻ പാടില്ലല്ലോ....🔥

വെള്ളം തുറന്ന് വിട്ടത് മാത്രം എനിക്ക് ഓർമയുണ്ട്....പിന്നീട് ലാബിൽ ദീപാവലി ആയിരുന്നു....എങ്ങും വെടിയൊച്ചകൾ മാത്രം..🔥⚡️. വിഷ്ണു സർ ചിതറി ഓടുന്നത് ഒരു മിന്നായം പോലെ ഞാൻ കണ്ടു....വെടിയൊച്ച കേട്ട് പേടിച്ചു പോയ പെൺകുട്ടികളുടെ കയ്യിൽ നിന്നു ടെസ്റ്റ്‌ ട്യൂബ്സ്, ബീക്കർ എല്ലാം തറയിൽ വീണു പൊട്ടി...ആകെ കബൂർ സീൻ...🤦‍♂️

സോഡിയം മണ്ണെണ്ണയിൽ ഇട്ടു വച്ചിരുന്ന പാത്രമാണ് ഞാൻ എടുത്ത് കൊണ്ട് വന്നത്...അത് വെള്ളത്തിൽ ഇട്ടാൽ പൊട്ടുമെന്ന് അറിയാമെങ്കിലും ഇങ്ങനെയൊക്കെ പൊട്ടാമോ...🤕. 

കുറച്ച് കഴിഞ്ഞു യുദ്ധഭൂമി ശാന്തമായി...സർ എന്നെ അടുത്തേക്ക് വിളിച്ചു...ആ സമയത്ത് കോളേജിലെ പ്യൂൺ ലാബിലേക് കേറി വന്നു ഒരു പേപ്പർ സാറിന്റെ കയ്യിൽ കൊടുത്തു... "Shooting Sports"നു താല്പര്യം ഉള്ളവർ പേര് കൊടുക്കാൻ ഉള്ള സർക്കുലർ ആയിരുന്നു അത്...അത് വായിച്ച ഉടനെ സർ എന്നെ ചൂണ്ടികാണിച്ചു പറഞ്ഞു "ഇതിനു ഇവൻ ബെസ്റ്റാണ്....ഇപ്പോ കുറേ പൊട്ടിച്ചതേ ഉള്ളൂ". ലാബ് മൊത്തം കൂട്ടച്ചിരി...😆😆

ചിരിക്കണോ കരയണോ എന്നറിയാതെ ലാബിൽ നിന്നും ഞാൻ പുറത്തേക്ക് ഇറങ്ങി...അപ്പോളും ആ ഉണ്ടക്കണ്ണി എന്നെ നോക്കി ചിരിക്കുന്നുണ്ടായിരുന്നു..🤭🤭🤭

ശുഭം.. !!🏃‍♂️🏃🚶‍♂️🚶

വര : റീജോ എം ലോറൻസ് ❤️❤️❤️