പൂക്കാത്ത നന്ത്യാർവട്ടവും, പൂത്തുലഞ്ഞ ചെമ്പരത്തിയും!!!
🌱🌺🌺🌺🌺🌺🌺🌺🌺🌺🌺🌺🌺🌺🌱
ജ്യോതിഷം ആണ് ഇന്നത്തെ വിഷയം....ഭാവി അറിയാൻ താല്പര്യം ഉള്ളവർ ഒരുപാട് കാണും..."ഓ....മൊത്തം കള്ളന്മാരെന്നെ..." എന്ന് ജ്യോത്സ്യന്മാരെ കുറ്റം പറഞ്ഞു ഇറങ്ങിപ്പോകുന്ന ഒരുപാട് പേരെ ഞാൻ കണ്ടിട്ടുണ്ട്....കാരണം അവർ ഉദ്ദേശിക്കുന്ന കാര്യത്തിനു വിരുദ്ധമായി ജ്യോൽസ്യൻ പറഞ്ഞു കാണും...അപ്പോൾ ആർക്കായാലും ഇഷ്ടക്കേട് തോന്നാം...🤐
എനിക്കും ജ്യോതിഷ്യത്തിൽ വിശ്വാസക്കുറവായിരുന്നു...വിശ്വാസക്കുറവെന്നു പറയാൻ പറ്റില്ല...എന്റെ നക്ഷത്രം "മൂലം" ആണ്..🤦♂️അതാണ് കാരണം...ഇതിപ്പോ തന്റേടത്തോടെ...അഭിമാനത്തോടെ പറയാൻ പറ്റുമെങ്കിലും മുൻപൊക്കെ ഒരു ചമ്മൽ ആയിരുന്നു...അമ്പലത്തിൽ പോയാൽ ഒരു അർച്ചന നടത്താൻ വരെ മടി...നാണക്കേട്....😔
കുട്ടിക്കാലത്ത് ചെന്തിട്ട ദേവി ക്ഷേത്രത്തിൽ പോകുമ്പോൾ അമ്മ എന്റെ പേരിൽ അർച്ചന നടത്തും...കൗണ്ടറിൽ പേരും നാളും പറയുമ്പോൾ അമ്മയുടെ പുറകെ സാരിത്തുമ്പും പിടിച്ചു ഒളിച്ചു നിക്കുമായിരുന്നു ഞാൻ...പെൺപിള്ളേർ ഒക്കെ എന്നെ നോക്കി കളിയാക്കി ചിരിക്കും...പൂജ കഴിഞ്ഞു പേര് വിളിച്ചു പ്രസാദം തരുന്ന സമയത്തു പൂജാരിയുടെ ഉച്ചത്തിൽ ഉള്ള വിളിയുണ്ട്..."അരുൺ...മൂലം..". തൊലി ഉരിഞ്ഞു പോകുന്ന അവസ്ഥ...!! 😩
പിന്നീടൊക്കെ ഞാൻ ഒറ്റക്ക് അമ്പലത്തിൽ പോകുമ്പോൾ എല്ലാവർക്കും വേണ്ടി അർച്ചന നടത്താൻ അമ്മ കാശു തരുമെകിലും എന്റെ പേരിൽ ഞാൻ അർച്ചന നടത്താറില്ല...ഞാൻ അപ്പോ ദൈവത്തിനോട് പറയും "മര്യാദക്ക് എന്നെ തൃക്കേട്ടയിലോ പൂരാടത്തിലോ ജനിപ്പിച്ചെങ്കിൽ ഇപ്പോ ഈ 10രൂപ നിങ്ങടെ കയ്യിൽ ഇരുന്നേനെ...😕ഞാൻ ഇത് കൊണ്ട് പോയി ചായയും വടയും കഴിക്കും.. നോക്കിക്കോ". ഇങ്ങനെ ദൈവത്തോട് പരിഭവം പറഞ്ഞു നേരേ തമ്പാനൂർ ബസ്സ്സ്റ്റാൻഡിൽ പോയി ചായയും കടിയും കഴിച്ചു വീട്ടിൽ പോകും...🚌🚶♂️
കോളേജിലെ NSS ക്യാമ്പിൽ ജോലിക്കിടെ കൈകുത്തി വീണപ്പോ കയ്യിൽ കുഴമ്പിട്ടു തടവിത്തന്ന ശാന്തമ്മച്ചി.. "നിന്റെ കൈയിൽ മൽസ്യരേഖ ഉണ്ടല്ലോടാ...നീ ഉയരങ്ങളിൽ എത്തും...നിന്റെ നക്ഷത്രം ഏതാടാ? " എന്ന് ചോദിച്ചപ്പോൾ "ഒന്ന് എഴുന്നേറ്റ് പോ അമ്മച്ചി...☺️ എന്ന് നാണത്തോടെ മറുപടി പറഞ്ഞത് ഞാൻ ഇപ്പോളും ഓർക്കുന്നു..."അവന്റെ നാൾ മൂലം... ഇനി നിങ്ങൾ പറ ഏതാ ആ മത്സ്യം... നെത്തോലിയോ...അതോ സ്രാവോ"എന്ന് സുഹൃത്ത് ഹരി കളിയാക്കി അവരോട് ചോദിച്ചിരുന്നു...🙆♂️
അങ്ങനെ പഠനവും കഴിഞ്ഞു ജോലി അന്വേഷിച്ചു അലഞ്ഞു തിരിയുന്ന സമയം...കാണിപ്പയ്യൂരിന്റെ പ്രവചനങ്ങൾ എല്ലാ ഞാറാഴ്ചയും വായിക്കുന്ന പതിവുണ്ടാർന്നു... പക്ഷേ ജോലിയെക്കുറിച്ചൊന്നും പുള്ളി പറയുന്നില്ല....കേരളത്തിൽ പ്രളയം വന്നതോടെ പുള്ളിക്ക് ചെറിയ തോതിൽ ഇടിവുണ്ടായി....അതിനിപ്പോ എന്താ....!!ക്രിക്കറ്റിന്റെ ദൈവം സച്ചിൻ എത്രയോ തവണ പൂജ്യത്തിനു പുറത്തായി....ദൈവത്തിനു പോലും തെറ്റ് പറ്റും.... അപ്പോ കാണിപ്പയൂരൊക്കെ നിസ്സാരം....🤭
ജോലി സംബന്ധമായ ഭാവി കാര്യങ്ങൾ അറിയാൻ ഞാനും ഒരു ജ്യോത്സ്യനെ കാണാൻ തീരുമാനിച്ചു....പക്ഷേ ഞാൻ പോകില്ല....നാളിന്റെ നാണം മാറിയില്ല...അമ്മയും അച്ഛനും പോയി കണ്ടു...വിവരങ്ങൾ എല്ലാം പറഞ്ഞു...ഒടുവിൽ ജ്യോൽസ്യൻ പറഞ്ഞു...ജോലിയൊക്കെ കിട്ടും..പക്ഷേ അലച്ചിൽ തുടരും....തടസ്സങ്ങൾ ഉണ്ട്....മൂന്ന് ചെടികൾ നടണം...ചെമ്പരത്തി🌺, ശംഖുപുഷ്പം , നന്ദ്യാർവട്ടം🌼... പിന്നെ ചില അമ്പലങ്ങളിൽ വഴിപാടുകൾ ചെയ്യണം..അങ്ങനെ പറഞ്ഞപോലെ എല്ലാം ചെയ്തു....നട്ട ചെടികൾ പൂക്കുമ്പോൾ തന്നെ ജോലി ലഭിക്കുമെന്നാണ് പറഞ്ഞത്....അങ്ങനെ കാത്തിരുന്നു കാത്തിരുന്നു ശംഖുപുഷ്പം പൂത്തു....ഒരു ചെമ്പരത്തിപ്പൂവും വന്നു....നന്ദ്യാർവട്ടം മാത്രം പൂത്തു തളിർത്തില്ല...🌱
അടുത്ത ആഴ്ച ഡൽഹിയിൽ ജോലിക്ക് പ്രവേശിച്ചു....അലച്ചിലും, ജോലിഭാരവും, സ്ട്രെസും എല്ലാം കൂടി ആദ്യത്തെ മൂന്ന് മാസം നരകതുല്യമെന്നു തന്നെ പറയാം...ഒരു ഇടവേള കിട്ടി നാട്ടിലേക്ക് വന്നു...വീട്ടുമുറ്റത്തേക്കു നോക്കിയപ്പോൾ ഞാൻ നട്ട ചെമ്പരത്തി പൂത്തുലഞ്ഞു നിൽക്കുന്നു...🌺🌺🌺. ഒരു ഇല പോലും കാണാൻ വയ്യ...ഒറ്റ ചെമ്പരത്തി പൂവിൽ സുപ്രീം കോർട്ട് വരെ എത്തിയ ഞാൻ ആ പൂത്തുലഞ്ഞ ചെമ്പരത്തി കണ്ടു ഞെട്ടി...എന്തോ വലുത് വരാനിരിക്കുന്നു....🙊വേഗം ചെന്നു നന്ദ്യാർവട്ടം നോക്കി...ഭാഗ്യം..അത് പൂത്തിട്ടില്ല....ഇനി അതും കൂടി ആയാൽ നാസയിൽ വല്ലോം പോകേണ്ടി വന്നലോ....😁സാരമില്ല നേരിടാം... അതിനുള്ള കരുത്തു ഡൽഹി തന്നു...💪നോർത്ത് ഇന്ത്യൻസ് പറയുന്ന ഒരു പ്രയോഗം ഉണ്ട്..."ദില്ലി കാ പാനി" (ഡൽഹിയിലെ വെള്ളം) ആ വെള്ളം കുടിച്ചവനും അതിൽ കുളിച്ചവനും നാണിക്കേണ്ട കാര്യമില്ല...!! ഏതു സാഹചര്യത്തിലും ജീവിക്കാം...ചുരുക്കത്തിൽ പറഞ്ഞാൽ ഡൽഹിക്കാർ എപ്പോളും ബോൾഡ് ആയിരിക്കും...!!
ആ കരുത്തിൽ നേരേ പോയി ചെന്തിട്ട ദേവി ക്ഷേത്രത്തിൽ...വരിയിൽ നിന്നു...കൗണ്ടറിൽ എത്തി ഉച്ചത്തിൽ തന്നെ പറഞ്ഞു... "അരുൺ...മൂലം നക്ഷത്രം...ഒരു പുഷ്പ്പാർച്ചന...ഒരു അരവണ...പിന്നൊരു പാൽപ്പായസവും....😎. ദൈവത്തിനോട് മാപ്പ്...പറ്റിച്ചു കുറേ ചായയും കടിയും കഴിച്ചതല്ലേ..🙈
അങ്ങനെ മൂന്ന് വർഷം പിന്നിട്ടു...അലച്ചിലിനു ഒരു കുറവും ഇല്ല....🚶നട്ട ചെടികൾ എല്ലാം അത് പോലെ തന്നെ കട്ടക്ക് നില്പുണ്ട്....നന്ദ്യാർവട്ടം പൂത്തതുമില്ല... വീണ്ടും ജ്യോത്സ്യനെ കാണാൻ മോഹം...പക്ഷേ അമ്മയോടും അച്ഛനോടും പറഞ്ഞില്ല...🤫കളമൊന്നു മാറ്റിപ്പിടിച്ചു... ഭാര്യാകുടുംബത്തിലെ സ്ഥിരം ജ്യോൽസ്യനെ ചെന്നു കാണാൻ ഭാര്യയെ തന്നെ ചട്ടം കെട്ടി... ഈ അലച്ചിൽ എത്ര കാലം കാണും?? നാട്ടിൽ എന്ന് വരാൻ കഴിയും?? തുടങ്ങിയ വളരെ സങ്കുചിമായ ചോദ്യങ്ങൾക്ക് ഉത്തരം കിട്ടിയേ തീരൂ...ഒടുവിൽ ഡിസംബർ 2019ൽ ജ്യോൽസ്യനെ കാണുന്നു....👤
"2020 ഫെബ്രുവരി വരെ നല്ല അലച്ചിലാണ്...മാർച്ച് പകുതിയോട് കൂടി എല്ലാ അലച്ചിലും മാറിക്കിട്ടും...സന്തോഷമായില്ലേ അരുണേട്ടാ.."😁😁 ഇതായിരുന്നു ഭാര്യയുടെ വാക്കുകൾ...ആ ജ്യോൽസ്യൻ വെറുതെ സന്തോഷിപ്പിക്കാൻ വേണ്ടി പറഞ്ഞതാകും എന്നാണ് ഞാൻ കരുതിയത്.....പക്ഷേ മാർച്ച് പകുതി ആയപ്പോൾ തന്നെ കാര്യങ്ങൾ വ്യക്തമായി....ഇപ്പോ ഒരു അലച്ചിലും ഇല്ല....വീട്ടിൽ തന്നെ കുത്തിയിരുപ്പാണ്...ഈ വിവരം അറിഞ്ഞ റീജോ, അഷ്കർ എന്നിവർ ആ ജ്യോത്സ്യനെ തന്നെ കാണണം എന്ന് വാശി പിടിച്ചിരിക്കുകയാണ്....എന്റെ പൊന്നു ജ്യോൽസ്യരെ നിങ്ങൾ പുലിയാണ്...🤪.
എന്തൊക്കെ ആയാലും നന്ദ്യാർവട്ടം ഇത് വരെ പൂവായില്ല...കാത്തിരിക്കാം...😛
ചിത്രത്തിൽ കാണുന്ന ചെമ്പരത്തി മരം ഞാൻ നട്ടതല്ല...പക്ഷേ അതിൽ കാണുന്ന വലിയ അമ്പരത്തിപ്പൂവാണ് ഇപ്പോൾ എന്റെ ഭൂതവും വർത്തമാനവും ഭാവിയും എല്ലാം...❤️❤️
സന്ദേശം: ഇതിങ്ങനെ പ്രത്യേകിച്ച് സന്ദേശം ഒന്നും ഇല്ല...വെറുതെ വായിക്കുക...വീട്ടിൽ കുത്തിയിരുപ്പല്ലേ....പിന്നെ വായിക്കുന്നവരിൽ മൂലം നക്ഷത്രക്കാർ ഉണ്ടേൽ ലോക്ക് ഡൗൺ കഴിഞ്ഞു ധൈര്യമായി അമ്പലത്തിൽ പോയി ഒരു അർച്ചന നടത്തിയാട്ടെ...!! ശേ നാണിക്കേണ്ടാന്ന്...😁
