നിങ്ങൾ എന്തൊരു മനുഷ്യൻ ആണ്...🤷‍♂️

നിങ്ങൾ എന്തൊരു മനുഷ്യൻ ആണ്‌🤷‍♂️

================================ 

2016 ഒക്ടോബറിൽ സുപ്രീംകോടതിയിൽ ജോയിൻ ചെയ്തപ്പോൾ താമസിച്ചത് ദിൽഷാദ് ഗാർഡൻ എന്ന സ്ഥലത്താണ്...ഈസ്റ്റ് ഡൽഹി...ഇപ്പോ മാധ്യമങ്ങളിൽ ചർച്ച ആയ ആനന്ദ് വിഹാറിൽ നിന്നും ഏകദേശം 6km ദൂരം വരും...ഇപ്പോഴും ദിൽഷാദ് ഗാർഡനിൽ തന്നെയാണ് താമസം... തുടക്കത്തിൽ യാത്രകൾ മെട്രോയിൽ ആയിരുന്നു...🚇ആനന്ദ് വിഹാർ മെട്രോ സ്റ്റേഷൻ ഇറങ്ങി അവിടന്ന് ഷെയർ ഓട്ടോ പിടിച്ചു ഡ്രൈവർ സീറ്റിന്റെ സൈഡിൽ ഇരുന്നു വരുമ്പോൾ ഞാൻ ഓർക്കുമായിരുന്നു സ്വന്തം നാടിൻറെ വില...😭

ആദ്യമായി പുറംനാട്ടിൽ ജോലിക്കു വന്നതിന്റെ എല്ലാ ഗുണങ്ങളും എനിക്കുള്ളത് കൊണ്ട് മനസികസമ്മർദ്ദത്തിന് നല്ല സാധ്യത ഉണ്ടായിരുന്നു...🙇‍♂️ആ സമയത്താണ് സാജ്വാൻ എന്ന വ്യക്തിയെ പരിചയപ്പെടുന്നത്..😇എന്നെക്കാളും 3 വർഷം മുൻപ് ജോയിൻ ചെയ്ത പുള്ളി വളരെ കൂൾ ആയാണ് കാര്യങ്ങൾ കൈകാര്യം ചെയ്യുന്നത്...ഒരു ടെൻഷനും സ്‌ട്രെസും ഇല്ല...പോസിറ്റീവ് കാര്യങ്ങൾ മാത്രം സംസാരിക്കും...എനിക്ക് നല്ലൊരു സപ്പോർട്ട് ആയിരുന്നു അദ്ദേഹം...ഡൽഹിയിലെയും  യു.പിയിലെയും  ഹിന്ദിക്കാരോട് കിടപിടിച്ചു നിക്കാൻ എന്നെ പഠിപ്പിച്ച ഉത്തരാഖണ്ഡ്കാരൻ ...🤼‍♂️. 

ഒരിക്കൽ എന്നോട് അദ്ദേഹം ചോദിച്ചു...നമ്മൾ ഒരേ സ്ഥലത്തല്ലേ താമസം...നീ എന്റെ കൂടെ ബൈക്കിൽ വാ...രക്തത്തിൽ ഉത്തര-ദക്ഷിണ ബന്ധത്തിനോട് വലിയ താല്പര്യം ഇല്ലായിരുന്നു..എങ്കിലും മറുത്തു പറയാൻ തോന്നീല...കൂടെ പോയി തുടങ്ങി...ഒരു പഴയ ബൈക്ക്...അതിൽ ഞാൻ കൂടെ പുറകെ ഇരിക്കുമ്പോൾ പുള്ളിക്ക് അത് ഓടിക്കാൻ ബുദ്ധിമുട്ടായി....ഞാൻ മെട്രോയിൽ തന്നെ പോകാം എന്ന് പറഞ്ഞു...അത് അദ്ദേഹത്തിന് വിഷമം ആയോ അതോ അഭിമാനക്ഷതം ആണോ എന്നറിയില്ല അടുത്ത ദിവസം പുതിയ ബൈക്കിൽ വന്നു എന്റെ മുന്നിൽ നിന്നു...എന്നിട്ടു ബൈക്കിന്റെ ചാവി തന്നിട്ടു പറഞ്ഞു "എനിക്കല്ലേ ഓടിക്കാൻ ബുദ്ധിമുട്ട്..നീ ഓടിക്ക്..ഞാൻ പുറകിൽ ഇരിക്കാം". എന്തൊരു മനുഷ്യൻ ആണോ എന്തോ..🤦‍♂️ 

അങ്ങനെ ഞാൻ ഓടിക്കാൻ തുടങ്ങി...ഒരു ദിവസം വൈകിട്ടു എന്നോട് പറഞ്ഞു..."എന്നെ നീ ഇന്ന് വീട്ടിൽ കൊണ്ടാകണം...എനിക്ക് നടക്കാൻ ഒരു ബുദ്ധിമുട്ട് പോലെ." പറഞ്ഞത് പോലെ ഞാൻ അദ്ദേഹത്തിന്റെ വീട്ടിൽ എത്തിച്ചു..രണ്ടാമത്തെ നിലയിലാണ് അദ്ദേഹത്തിന്റ വീട്...ബൈക്ക് താഴെ എത്തിയപ്പോൾ തന്നെ പുള്ളിക്കാരന്റെ മകളും ഭാര്യയും ബാൽക്കണിയിൽ നിന്നു താഴേക്ക് നോക്കി...പെട്ടന്ന് പുള്ളിക്കാരൻ ബൈക്കിൽ നിന്നും ഇറങ്ങിയതും വീഴുന്നതും ഒരുമിച്ചായിരുന്നു...എന്ത് സംഭവിച്ചു എന്ന് എനിക്കും ആദ്യം മനസിലായില്ല...അദ്ദേഹത്തിന്റെ കാൽ തറയിൽ കുത്തി നിക്കാൻ പറ്റുന്നില്ലാർന്നു...അസഹനീയമായ വേദന... മനഃസാന്നിധ്യം വീണ്ടു കിട്ടിയതോടെ ഞാൻ ഓടിച്ചെന്ന് അദ്ദേഹത്തെ കോരിയെടുത്തു..രണ്ടു നിലയും നടന്നു കയറി..അദ്ദേഹത്തെ വീട്ടിൽ കൊണ്ട് കിടത്തി... പുള്ളിയുടെ രണ്ടു കിഡ്‌നിയും തകരാറിൽ ആണെന്ന് അപ്പോളാണ് ഞാൻ അറിയുന്നത്...ഡയാലിസിസ് ചെയ്യുന്നില്ല...ആരു പറഞ്ഞിട്ടും കേൾക്കുന്നില്ല...കണ്ണു നിറഞ്ഞു കൊണ്ട് ഞാൻ അദ്ദേഹത്തോട് ചോദിച്ചു "നിങ്ങൾ എന്തൊരു മനുഷ്യൻ ആണ്??? (തും കൈസേ ആദ്മി ഹോ യാർ??"🤷‍♂️....വെറും ചിരിയാണ് മറുപടി...😌മൗനം മാത്രം...😐

"ഞാൻ രണ്ടു ദിവസത്തേക്ക് വരുന്നില്ലെടാ..നീ എന്റെ ബൈക്ക് കൊണ്ട് പൊയ്ക്കോ" എന്ന് അദ്ദേഹം  പറഞ്ഞു...സ്വന്തം വാഹനം അല്ലാത്തത് കൊണ്ട് ഞാൻ മെട്രോയിൽ തന്നെ ഓഫീസിൽ പോയി...അടുത്ത ദിവസം പുള്ളി മാക്സ് ആശുപത്രിയിൽ കോമയിൽ  ആണെന്ന വിവരം അറിഞ്ഞു...അങ്ങോട്ടു പോയി അദ്ദേഹത്തെ കാണാനുള്ള ശക്തി ഉണ്ടായിരുന്നില്ല....എങ്കിലും പോയി കണ്ടു...വീട്ടുകാരെയും കണ്ടു...രക്ഷപ്പെടില്ല എന്ന് എല്ലാരും പറയുന്നു...ബോധമില്ലെങ്കിലും ഡയാലിസിസ് തുടങ്ങിയിരുന്നു....ഒടുവിൽ ഒരാഴ്ച കഴിഞ്ഞപ്പോൾ ബോധം വീണു...ഞാൻ ചെന്ന് കണ്ടു...കണ്ടപാടെ ദേഷ്യത്തോടെ ചോദിച്ച ചോദ്യം "ആ  വണ്ടി നിന്നെക്കരുതി മേടിച്ചതല്ലേ..നിനക്കത് കൊണ്ട് പോയാലെന്താ". വീണ്ടും മനസ്സിൽ അതേ ചോദ്യം ഇയാൾ എന്തൊരു മനുഷ്യൻ ആണ്??? !!! 

ദിവസങ്ങൾ കഴിഞ്ഞു...ആഴ്ചയിൽ രണ്ടു ഡയാലിസിസ് വേണ്ടി വന്നു...എന്നിട്ടും അദ്ദേഹം തളർന്നില്ല...അതേ ഊർജം..അതേ സംസാരം...ബൈക്ക് ഓടിക്കാൻ ബുദ്ധിമുട്ടാണ്...ഞാൻ തന്നെ കൊണ്ട് വിടും വീട്ടിൽ..രാവിലെ ഞാൻ വീട്ടിൽ പോയി ഓഫീസിൽ കൊണ്ട് വരും...അപ്പോളും ഡയാലിസിസ് എന്ന വാക്ക് പോലും അദ്ദേഹം പറയില്ല...പഴയ പോലെ പോസിറ്റീവ് കാര്യങ്ങൾ മാത്രം സംസാരിക്കും...ഒരു ദിവസം എന്നോട് പറഞ്ഞു..."ഡാ എനിക്ക് ഇനി ബൈക്കിൽ എന്നും വരാൻ പറ്റില്ല..ഞാൻ ലോൺ എടുത്ത് ഒരു കാർ മേടിക്കട്ടെ...നീ ഓടിക്കുമല്ലോ...ഞാനും അത്യാവശ്യം ഓടിക്കും..ലൈസൻസും ഉണ്ട്" അതിനു മറുപടി ആയി ഞാൻ പറഞ്ഞു "വയ്യാത്ത ഇടത് കാലും കൊണ്ട് നിങ്ങൾ എങ്ങനെ കാർ ഓടിക്കും???" ഉടൻ മറുപടി വന്നു..നമുക്ക് ഓട്ടോമാറ്റിക് കാർ എടുക്കാമെടാ...നേരേ ഷോറൂമിൽ പോകാം...അന്ന് തന്നെ പോയി...വണ്ടി നോക്കി..ബുക്ക് ചെയ്തു... അടുത്ത ആഴ്ച വണ്ടി റെഡി...ഡൽഹിയിൽ എല്ലാം വളരെ പെട്ടെന്ന് കാര്യങ്ങൾ നടക്കും...ചാവി ഷോറൂമിൽ നിന്നും മേടിച്ചു എന്റെ കയ്യിൽ തന്നിട്ട് എന്നോട് പറഞ്ഞു..."എടുക്കെടാ വണ്ടി"...ഞാൻ പറഞ്ഞു ഞാൻ ഓട്ടോമാറ്റിക് കാർ ഇന്നേവരെ ഓടിച്ചിട്ടില്ല... എനിക്ക് പറ്റില്ല...അപ്പോൾ മറുപടി...ഇങ്ങനൊക്കെയല്ലേ പഠിക്കേണ്ടത്‌....എടുക്കെടാ....😄. അങ്ങനെ കാറും കൊണ്ട് ഓഫീസിൽ പോയിത്തുടങ്ങി....കാറിൽ പോകുമ്പോൾ... ആനന്ദ് വിഹാർ  എത്തുമ്പോൾ...അദ്ദേഹം എന്നോട് ചോദിക്കും..."ഓർമ്മയുണ്ടോ നീ ഓട്ടോയിൽ ഡ്രൈവറിന്റെ കൂടെ ഇരുന്നു പോയ ദിവസങ്ങൾ...ജീവിതമാണെടോ...ജീവിച്ചു കാണിക്കണം കേട്ടോ...എന്ന് പറഞ്ഞു അദ്ദേഹം ചാരുകസേരയിൽ ഇരിക്കുന്ന പോലെ നീണ്ടു നിവർന്നു ഇരിക്കും...അപ്പോളും അതേ ചോദ്യം...ആവർത്തിക്കുന്നില്ല...🤷‍♂️ 

ഇതെല്ലാം ഈ  3 വർഷത്തിൽ സംഭവിച്ചതാണ്....ഇപ്പോൾ അദ്ദേഹം തന്നെയാണ് വണ്ടി ഓടിക്കുന്നത്....ഡയാലിസിസ് ചെയ്തു ഒറ്റക്ക് വാഹനം ഓടിച്ചു പോകും...കണ്ടാൽ ആഴ്ചയിൽ രണ്ടു ഡയാലിസിസ് ആണെന്ന് പറയില്ല...ഇത്രയും ആത്മവിശ്വാസം ഉള്ള മനുഷ്യനെ ഞാൻ കണ്ടിട്ടില്ല....പെട്രോളിന്റെ കാശു പകുതി കൊടുത്തു ഒരു ദിവസം....അന്ന് ഒരുപാട് ദേഷ്യപ്പെട്ടു...മേലാൽ ആവർത്തിക്കരുത് എന്ന് പറഞ്ഞു...അഭിമാനക്ഷതം ആവശ്യത്തിലേറെ മനസ്സിൽ ഉള്ളത് കൊണ്ട് ഒരു ദിവസം ഞാൻ ഗൂഗിൾ പേ വഴി അദ്ദേഹത്തിന്റെ അക്കൗണ്ടിൽ  1000രൂപ ഇട്ടു...ഉടനെ തന്നെ എനിക്ക് ഒരു ഫോൺ കാൾ വന്നു...."ഡാ ഞാൻ ഡയാലിസിസ് ചെയ്യാൻ ഹോസ്പിറ്റലിൽ പോകാൻ ഇറങ്ങുന്നു...നീ കാശ് ഇട്ടു അല്ലെ...ഹോസ്പിറ്റൽ വരാന്തയിൽ ഒരു അമ്മ ഇരിക്കുന്നത് കാണാം എപ്പോളും...ഞാൻ അവർക്ക് 50rs കൊടുക്കാറുണ്ട്...ഇന്ന് 1000കൊടുക്കാം...എന്നിട്ടു പറയാം.... എനിക്കൊരു മദ്രാസി സഹോദരൻ ഉണ്ട്..അവൻ നിങ്ങൾക്ക് തരാൻ ഏല്പിച്ചതാണെന്ന്...." മദ്രാസി വിളി ഇഷ്ടമായില്ല എന്ന ഗൗരവത്തോടെ ഞാൻ വീണ്ടും അദ്ദേഹത്തോട് ചോദിച്ചു "നിങ്ങൾ എന്തൊരു മനുഷ്യൻ ആണ്"?? !! കള്ള ബംഗാളി...!!😡

മറുപടി അട്ടഹസിച്ചു കൊണ്ടൊരു ചിരി...🤣